So Cool.. Take 2 (सोकुल ..टेक २)Author/s: Sonali Kulkarni

सोनाली कुलकर्णी एक गुणी अभिनेत्री आहे..

या विधानानंतर स्वल्पविराम येत नाही,

अर्धविराम किंवा पूर्णविरामही नाही..

येतात ती दोन टिंबं.. दोन टिंबं ही सोनालीची

नुसती लेखनशैली नाही, तर ओळख आहे !

तिच्या लिखाणाला पूर्णविराम फारसे मंजूर नसावेत..

म्हणूनच पाठोपाठ दुसरं टिंब येत असावं.. पुढे नेणारं !

दोन टिंबांमधूनही तिला काहीतरी सांगायचं असतं..

सोनाली उघड्या डोळ्यांनी जग पाहताना माणसांना वाचते

आणि शब्दांतून त्यांची व्यक्तिचित्रं रेखाटते. तिची अक्षरं

वाचकांशी बोलतात.. त्या अक्षरांना लेन्स असते

आणि वाचाही ! अशा संवेदनशील आणि संवादोत्सुक

अभिनेत्रीला रंगभूमीवर आणि पडद्यावर पाहण्या-

ऐकण्याएवढंच ‘वाचणं’ही किती लोभस असू शकतं,

याचं उदाहरण म्हणजे सो कुल टेक 2